ნაშრომში განხილულია ჩაის კატეხინების ჟანგვითი პროდუქტების, თეაფლავინების და თეარუბიგინების როლი მზა ჩაის ხარისხის ჩამოყალიბებაში, კვლევისათვის აიღებოდა წვრილი ჩაის წარმოების და ორთოდოქსალური ტექნოლოგიით მიღებული ჩაის ნიმუშები, რომლებიც ერთნაირი ტიტესტერული შეფასების მქონე იყო, ისაზღვრებოდა ძირითადი ქიმიური მაჩვენებლები.
მიღებული იქნა, სხვადასხვა ტექნოლოგიით წარმოებული შავი ჩაიდან ტანინის პრეპატარები, რომლისგანაც გამოყოფილი იქნა ეთილაცეტატური ფრაქცია, ქრომატოგრაფირდებოდა ცელულოზის სვეტზე. ეთილაცეტატური ფრაქციიდან მიღებული იქნა ჟანგვითი პროდუქტების აცეტონური პრეპარატი სეფადექს LH – 20-ის სვეტზე ქრომატოგრაფირებით. ფრაქციები ერთანეთისაგან განსხვავდებოდნენ ფერით და სპექტრალური მონაცემებით. ეს იმაზე მიუთითებს, რომ კატეხინების ჟანგვითი პროდუქტები შედგებიან სხვადასხვა თვისებების მქონე ნივთიერებებისგან. მითითებული ფრაქციები შეიცავენ: მირიცეტინ - 3 - გლუკოზიდს, კვერცეტინ - 3 - გლუკოზიდს, კემპფეროლ - 3 - რამნო - გლუკოზიდს, თეაფლავინს, თეაფლავინ მონოგალატს, თეაფლავინ დიგალატს, თეაფლავინის მჟავებს და თეარუბიგინებს- TR-1, TR-Ia (SIa), TR-2 (SII), TR-2a (SIIa).
შესწავლილი იქნა, მიღებული ფრაქციების ფიზიკურ - ქიმიური მაჩვენებლები, ფენოლური ნაერთების ჟანგვის პროდუქტების ცალკეული ფრაქციების ორგანოლეპტიკური ანალიზი და გემოს შეგრძნებების ზღვრები. გამოყოფილი იქნა, თეაფლავინებისა და თეარუბიგინების პრეპარატები, განსაზღვრული იქნა მათი ფიზიკურ - ქიმიური მაჩვენებლები და გავლენა ჩაის ნაყენის ფერსა და გემოზე