„იმერეთის აგროეკოლოგიური ასოციაციის“ ინიციატივითა და ფინანსური მხაჭერით აკაკი წერეთლის სახელმწიფო უნივერსიტეტის აგრარულ ფაკულტეტზე მიმდინარე წლის 14-15 ნოემბერს ჩატარდა საერთაშორისო სამეცნიერო-პრაქტიკული კონფერენცია "ახალი ინიციატივები".
კონფერენციამ წარმატებით ჩაიარა. მონაწილეებს მიესალმნენ:
- აკაკი წერეთლის სახელმწიფო უნივერსიტეტის რექტორი, სუბტროპიკული კულტურების დეპარტამენტის პროფესორი, საქართველოს სოფლის მეურნეობის მეცნიერებათა აკადემიიის აკადემიკოსი, ბატონი როლანდ კოპალიანი;
- იმერეთის აგროეკოლოგიური ასოციაციის თავმჯდომარე და აკაკი წერეთლის სახელმწიფო უნივერსიტეტის აგრონომიულ მეცნიერებათა დეპარტამენტის პროფესორი, ქალბატონი როზა ლორთქიფანიძე;
- აკაკი წერეთლის სახელმწიფო უნივერსიტეტის აგრარული ფაკულტეტის დეკანი, სუბტროპიკული კულტურების პროდუქტთა ტექნოლოგიის პროფესორი, ქალბატონი ქეთევან კინწურაშვილი.
კონფერენციაში მონაწილეობას ღებულობდნენ როგორც უცხოელი სტუმრები (თურქეთი, ნორვეგია, პოლონეთი, ინდოეთი, ირანი, აზერბაიჯანი და სხვა), აგრეთვე მონაწილეები ჩვენი ქვეყნის სხვადასხვა ქალაქებიდან (ბათუმი, თბილისი, თელავი და სხვა). მუშაობდა სამი სექცია, სადაც პირველს - „აგრარული“, ხელმძღვანელობდა პროფესორი როზა ლორთქიფანიძე; მეორეს - „ინჟინერია“, ხელმძღვანელობდა პროფესორი ქეთევან კინწურაშვილი, ხოლო მესამეს - „ინტერდისციპლინური“, ხელმძღვანელობდა ასოცირებული პროფესორი იზოლდა ხასაია.
კონფერენციის პირველ დღეს მოხდა პლენარული და სექციური მუშაობა, რომლის დასასრულს მონაწილეებს გადაეცათ ნაშრომთა კრებული და სერთიფიკატები, კონფერენციაში მონაწილეობის დამადასტურებლად.
კონფერენციის მეორე დღე არანაკლებ დატვირთული იყო ემოციებით. სტუმრებმა და კონფერენციის ორგანიზატორებმა მოინახულეს ბაგრატის ტაძარი, შემდეგ ეწვივნენ წყალტუბოში, სოფელ ჩუნეშში ნიკო ლორთქიფანიძის სახლ-მუზეუმს. წყალტუბოს კულტურის ცენტრის წარმომადგენლებმა და მისმა აღსაზრდელებმა ძალიან ლამაზად და გულში ჩამწვდომად წარმოადგინეს იმერული მასპინძლობა და მწერლის შემოქმედება, რამაც დიდი შთაბეჭდილება მოახდინა სტუმრებზე.
შთაბეჭდილებების გაზიარებითა და მომავლის ახალი იდეებით დასრულდა კონფერენცია.

პირველი საერთაშორისო სამეცნიერო-პრაქტიკული კონფერენცია “ახალი ინიციატივები” პროგრამა


პირველი საერთაშორისო სამეცნიერო-პრაქტიკული კონფერენცია “ახალი ინიციატივები” შრომები

ფოტო გალერა საერთაშორისო სამეცნიერო-პრაქტიკული კონფერენცია "ახალი ინიციატივები"